Gyaan Ghar

Advertisement

डा.जगमान गुरुङले झुट्टा र कपोकल्पित कुरा गरेको मसालको ठहर

काठमाडौँ, मङ्सिर ६  । काठमाडौँ । नेपाल कम्युनिस्ट पार्टी (मसाल) ले डा. जगमान गुरुङले महामन्त्री मोहनविक्रम सिंहबारे भ्रामक अभिव्यक्ति दिएको बताएको छ ।

प्रवक्ता रामप्रकाश पुरीले बुधवार एक स्पष्टीकरण प्रेषित गर्दै महामन्त्री सिंहले डा. गुरुङले भने झैँ राजा चाहिन्छ भनेर कतै पनि अभिव्यक्ति नदिएको भन्दै एउटा स्पष्टीकरण जारी गरेका छन् । स्पष्टीकरणको सम्पूर्ण विवरण यस प्रकार छ –

डा. जगमान गुरुङले मोहनविक्रम सिंह, मोहन वैद्य, नारायणमान बिजुक्छे(रोहित)ले नेपालमा राजा चाहिन्छ भनेर भनेको भनी एउटा कुनै कार्यक्रममा अभिव्यक्ति दिनुभएको छ । का. मोहन वैद्य र का. नारायणमान बिजुक्छेले उहाँहरू आफैले त्यसबारे आफ्नो स्थितिलाई स्पष्ट गर्नुहोला । यहाँ हामीले का. मोहनविक्रम सिंहबारे डा. गुरुङको जुन अभिव्यक्ति प्रकट भएको छ, त्यसबारे स्पष्टीकरण दिन चाहन्छौँ ।

सर्वप्रथम, हाम्रो पार्टीका महामन्त्री का. मोहनविक्रम सिंहले डा. गुरुङले भने झैँ राजा चाहिन्छ भनेर कतै पनि अभिव्यक्ति नदिएको कुरा स्पष्ट गर्न चाहन्छौँ । नेपालमा गणतन्त्र र धर्मनिरपेक्षताका विरुद्ध प्रतिगामीहरूले लगातार अभियान चलाउँदै आएका छन् । त्यस सन्दर्भमा प्रतिगमनका विरुद्धको सङ्घर्ष देशको वर्तमान स्थितिमा प्रमुख आवश्यकता बन्न गएको कुरा का. मोहनविक्रम सिंहले लगातार जोड दिँदै आउनुभएको छ । २०८० मङ्सिर ०५ गते जारी वक्तव्यमा पनि मङ्सिर ०७ गते प्रतिगामी उद्देश्यका साथ आयोजना गर्न थालिएको प्रदर्शनको विरोध गर्दै उहाँको वक्तव्य प्रकाशित भएको छ । त्यसरी डा. जगमान गुरुङले का. मोहनविक्रम सिंहबारे दिनुभएको अभिव्यक्ति पूरै झुट्टा र कपोलकल्पित भएको कुरा स्पष्ट छ ।

डा. गुरुङले मोहनविक्रम सिंहले राजा चाहिन्छ भनेको प्रमाणको रूपमा पछिल्लो समयमा जीवनारायण भण्डारीले योहो टेलिभिजनमा मोहनविक्रम सिंहसित लिनुभएको अन्तर्वार्तालाई उल्लेख गर्नुभएको छ । त्यो अन्तर्वार्ताको भिडियो हामीसित पनि सुरक्षित छ र सामाजिक सञ्जाल वा युट्युबमा पनि त्यो अन्तर्वार्ता जो कसैले पनि हेर्न र सुन्न सक्दछन् । त्यो अन्तर्वार्तालाई पूरै हेर्ने वा सुन्ने हो भने पनि त्यहाँ राजा वा राजतन्त्रको विरोध गरिएको कुरा स्पष्ट छ ।

त्यसरी डा. गुरुङले त्यो अन्तर्वार्तामा मोहनविक्रम सिंहले राजा चाहिन्छ भनेको भनी जुन प्रमाण उल्लेख गर्नुभएको छ, त्यसमा त्यो कुरा कतै पनि नभएकोले डा गुरुङले मोहनविक्रम सिंहबारे जुन अभिव्यक्ति दिनुभएको छ, त्यो पूरै झुट्टा र निराधार भएको कुरा स्पष्ट गर्दछौँ ।

प्रतिक्रिया दिनुहोस

राजनीति

समाजमा ‘इन्टरनेट एडिक्सन’को जोखिम बढेको विज्ञको निष्कर्ष

समाजमा ‘इन्टरनेट एडिक्सन’को जोखिम बढेको विज्ञको निष्कर्ष

काठमाडौँ, २४ माघ । इन्टरनेटको एडिक्सन र बुलिङको समस्या आगामी दिनमा विपद्कै रूपमा आउन सक्ने भन्दै सरोकारवाला हरुले चिन्...
संसद्मा प्रचण्डको आक्रोश : तपाईँहरू मालिक, नागरिक दास हो?

संसद्मा प्रचण्डको आक्रोश : तपाईँहरू मालिक, नागरिक दास हो?

काठमाडौँ -  प्रमुख प्रतिपक्षी दलका नेता एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकारले न...
समयमा संसद् नबोलाउने, अध्यादेशबाट सरकार चलाउने, यही हो लोकतन्त्र ? : चित्रबहादुर केसी

समयमा संसद् नबोलाउने, अध्यादेशबाट सरकार चलाउने, यही हो लोकतन्त्र ? : चित्रबहादुर केसी

काठमाडौँ – राष्ट्रिय जनमोर्चाका अध्यक्ष चित्रबहादुर केसीले अध्यादेशबाट सरकार चलाउनु अप्रजातान्त्रिक भएको बताएका छन्।...
विज्ञानमा चमत्कार : पोथी बिना २ भाले मुसाबाट जन्माइयो सन्तान

विज्ञानमा चमत्कार : पोथी बिना २ भाले मुसाबाट जन्माइयो सन्तान

काठमाडौं, २२ माघ । चिनियाँ वैज्ञानिकले हालै नयाँ उपलब्धि हासिल गरेका छन् ।   वैज्ञानिकहरूले दुई वटा...