Gyaan Ghar

Home

Advertisement

माटोको सिमाना

-डा. कौशिला रिसाल

कोदो गोड्दै गर्दा बाले
भन्ने गरेका दन्त्यकथा र
आमाले गाएका श्रमका गीतमा
लठ्ठ पर्दै बालवयमा
सधैँ खुसीको हिमाल बोकेर
पहाडको काँध चढी
तराई हेर्ने मेरो आँखाको मन
सुनकोसी, तामाकोसी र तमोर तरेर
मेचीको पवित्र पानीमा
आह्लादित हुनपुग्थ्यो,

कर्णालीको तुइन झुन्डिएर
पनि विस्मित थिएन,
समयको पल ।

तर
कोइलीको मधुर स्वरमा
झरनाको मिठो गीत गाउँदै
मसँगै हिँडिरहने
सगरमाथाको आकाश
मलिन लाग्छ अचेल
माछापुच्छ«ेको हेराइ
उदास देख्छु
डाँफे र मुनालको
गीतमा मुजुरको छमछमी छैन ।

उमेरको उकालोसँगै
बढ्दो रहेछ जिम्मेवारी,
देश घाइते हुँदा
सबैभन्दा बढ्ता दुख्दो रहेछ
आफ्नै मुटु,
आँखा चिम्लिँदा पनि
माटोको सिमाना
देखिरहन्छ पीडाका आकारहरूमा ।

मलाई राम्रो सम्झना छ,
मेरा भूगोल विषयका देशभक्त गुरु
र उनले पढाएको माटोको सिमाना ।

देशको नक्साभित्र बसेर
ग्रेटर नेपालको क्षेत्रफल
अर्थात्
तीन लाख चौतिस हजार
दुई सय पचास वर्ग किमी
र अर्को, सम्झन्छु
दुई लाख, चार हजार, नौ सय, सत्र वर्गकिमी
मलाई यस्तो लाग्थ्यो
कहिल्यै चोइटिँदैन
मेरो देश भूगोलबाट ।

पूर्वको सिमाना
पश्चिमको सिमाना
उत्तरको सिमाना
दक्षिणको सिमाना
दुवै हात फैलाएर
चोर औँला उठाउँदै
उनी यसरी देखाउँथे,
मानौँ, कालो पाटीमा उनले बनाएको
देशको नक्सा उनी आफैँ हुन्
म बारम्बार उनीभित्रै हराउँथेँ ।

अपसोच, आज म
युवा उमेरमा आउँदा
मेरो देशको लम्बाइ
मेरो देशको चौडाइ
कसरी हरायो मेरो देशको उचाइ ?
कहाँ छुट्यो
मेरो देशको पूर्ण क्षेत्रफल ?
देशभक्त गुरुलाई
मेरो प्रश्न
उतिबेला तपाईंको भूगोलले दिएको नक्साभित्र
कहाँ छ मेरो देशको गणित ?

गुरु !
पटक पटक फेरिरहने मेरो देशको सिमाना
एक लाख सड्चालिस हजार एक सय एकासीपछि
फेरि, नापियो कि नापिएन ?
म आज शिक्षक छु
नढाँटी भन्नुस् न गुरु !
कुन सिमाना पढाऊँ विद्यार्थीलाई ?
किन मेरो देशको मात्र
सिमानाको गणित फेरिरहन्छ ?
अर्थात् कसले निलिरहन्छ हाम्रो राष्ट्रियता ?

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

राजनीति

नैतिक प्रश्न उठ्ने गरी तदर्थ सरकार चलाउन कुनै रुचि थिएन र छैन- प्रधानमन्त्री

नैतिक प्रश्न उठ्ने गरी तदर्थ सरकार चलाउन कुनै रुचि थिएन र छैन- प्रधानमन्त्री

राष्ट्रिय सभा अन्तर्गत राष्ट्रिय सरोकार तथा समन्वय समितिको बैठकमा बुधबार समितिका सदस्यहरूले राखेका जिज्ञासाको जवाफ दिँदै प्रध...
प्रधानमन्त्री प्रचण्डले आज विश्वासको मत लिँदै

प्रधानमन्त्री प्रचण्डले आज विश्वासको मत लिँदै

राष्ट्रिय सभा अन्तर्गत राष्ट्रिय सरोकार तथा समन्वय समितिको बैठकमा बुधबार समितिका सदस्यहरूले राखेका जिज्ञासाको जवाफ दिँदै प्रध...
२०२४ का निर्वाचन- विश्वभर सत्ता हल्लाउने मत परिणाम

२०२४ का निर्वाचन- विश्वभर सत्ता हल्लाउने मत परिणाम

काठमाडौँ । गत साता बेलायत, फ्रान्स, इरान जस्ता ठुला देशमा चुनाव भएको थियो । यी देशका चुनावी परिणामले तत्कालीन सत्तारुढ ने...
त्रिशूली नदीमा खसेका दुई वटा बसको खोजी कार्य जारी

त्रिशूली नदीमा खसेका दुई वटा बसको खोजी कार्य जारी

काठमाडौँ । पहिरोले त्रिशूली नदीमा खसेका दुई वटा बसको खोजी कार्य जारी रहेको छ । प्रहरीका अनुसार आज बिहान ३ बजेको समयमा ...
Home
ताजा अपडेट
ट्रेन्डिङ
Search